Тун удахгүй зарлагдана11-р сарын 16–22
Өнөөдөр хэдийг татав?
Улаанбаатарын агаарыг тамхины ширхгээр хэмждэг сайт
Шийдэж буй асуудал
Улаанбаатарын агаарын бохирдлыг PM2.5, AQI, мкг/м³ гэх мэт тоогоор мэдээлдэг ч ихэнх хүн эдгээр тоо өөрт нь юу гэсэн үг болохыг ойлгодоггүй. Утаа өдөр бүр байдаг болохоор хүмүүс дасаж, анхаарахаа больсон. Өөрийн дүүрэгт, өөрийн амьдралын хэв маягаар хэр их хор амьсгалж байгааг энгийнээр харуулах хэрэгсэл байхгүй.
Хэнд зориулсан
Улаанбаатарт амьдардаг 18–40 насны, сошиал медиа идэвхтэй хэрэглэдэг залуучууд. Мөн утааны талаар мэдлэгээ нэмэх, хүүхдээ хамгаалах арга хайж буй эцэг эхчүүд, агаарын бохирдлын талаар контент хийдэг сэтгүүлч, блогерууд. Агаар шүүгч, маск зардаг брэндүүд ивээн тэтгэгчээр хамрагдах боломжтой.
Юу хийдэг вэ
Сайт нь Нийслэлийн нээлттэй өгөгдлийн сангаас (open.ulaanbaatar.mn) Цаг уур, орчны шинжилгээний газрын агаарын чанарын станцуудын цагийн хэмжилтийг авна. Дүүрэг бүрийн станцуудын PM2.5-ын 24 цагийн дунджийг тооцоод, Berkeley Earth-ийн аргачлалаар (22 мкг/м³ ≈ өдөрт 1 ширхэг тамхи) тамхины ширхэг рүү хөрвүүлнэ. Боломжууд: Дүүргээ сонгоод 4 асуултад хариулна: хаана амьдардаг, гадаа хэр удаан байсан, маск зүүсэн эсэх, агаар шүүгчтэй эсэх. Үүнээс хамаарч хувийн тоо гарна. Тоо бүрт 80 гаруй хувилбартай ёжтой хариу, хувь хүний сонголтод тохирсон зөвлөмж гарна. Утаа ихсэх тусам цасан хүн саарал болж, маск зүүж, хөлд нь тамхины иш хуримтлагдана. Дэвсгэр дээрх утаа дээш өгсөнө. Энэ өвөл нийт хэдэн хайрцаг тамхитай тэнцэх утаа амьсгалсныг харуулна. Аль дүүргээс хэдэн хүн үзэж, дунджаар хэдийг татсныг олон нийтэд нээлттэй харуулна. Үр дүнгээ Instagram, Facebook story-д тохирох зураг болгон татаж, нэг товчоор хуваалцана.
- Бүртгэлгүй, үнэгүй, хувийн мэдээлэл хадгалдаггүй
- Албан ёсны станцын хэмжилтээр, дүүрэг бүрээр тооцдог
- Аль дүүргээс хэд нь үзсэн статистик нээлттэй
Хөгжүүлэгчийн хүсэлтХамтрагч хайж байна
“Агаар шүүгч, маск, шүүлтүүр зардаг брэндийг ивээн тэтгэгчээр хайж байна. Сайтад таны нэр утааны тоотой хамт өдөр бүр харагдана. Мөн агаарын чанарын мэдээ, станцын өгөгдөлтэй ажилладаг байгууллага, хэвлэл мэдээлэлтэй хамтрахад нээлттэй.”
dlwlsda
Хэлэлцүүлэг 1
ОнцолсонХөгжүүлэгчийн танилцуулга
dlwlsdaХөгжүүлэгч
Сайн байцгаана уу! Бид үүнийг бүтээж эхэлсэн шалтгаан нь энгийн: «PM2.5 = 199 мкг/м³» гэхээр хэн ч юу ч ойлгодоггүй, харин «өнөөдөр 6.7 ширхэг тамхи татлаа» гэхээр бүгд ойлгодог. Утаа өвөл бүр давтагддаг болохоор бид дасчихсан. Тоонууд мэдээгээр гарч, хэн ч анхаардаггүй. Тиймээс утааг хүн бүрт ойлгомжтой, бага зэрэг ёжтой, хуваалцмаар нэг тоо болгохоор шийдлээ. Тооцоо нь Berkeley Earth-ийн аргачлал дээр суурилсан: PM2.5-ын өдрийн дундаж 22 мкг/м³ нь өдөрт нэг ширхэг тамхи татсантай ойролцоо. Мэдээг Нийслэлийн нээлттэй өгөгдлийн сангаас, ЦУОШГ-ын станцуудын хэмжилтээр дүүрэг бүрээр авдаг. 4 асуултаар таны гадаа байсан цаг, маск, агаар шүүгч зэргийг тооцож хувийн тоог гаргана. Анхаарах зүйл: энэ бол эмнэлгийн дүгнэлт биш, ойлгоход хялбар харьцуулалт. Сан өдөрт нэг удаа шинэчлэгддэг тул тоо нь сүүлийн 24 цагийнх. Багануур, Багахангайд станц байхгүй тул одоогоор 7 дүүрэг хамрагдсан. Танаас хүсэх зүйл: сайтыг туршаад, өөрийн тоогоо story-доо хуваалцаарай. Ёжтой хариу, шинэ боломжийн санаа, алдаа олбол коммент дээр бичээрэй. Хамгийн сайн санааг дараагийн шинэчлэлд оруулна. Уушгиа хайрлаарай 🙂
Энэ бүтээгдэхүүний зарлах огноо: 2026 оны 11-р сарын 16. Санал хураалт нээгдэхэд мэдэгдэл аваарай.